servizos
Fisioterapia
- Fisioterapia traumatolóxica e musculoesquelética
- Fisioterapia deportiva
- Ecografía e fisioterapia invasiva
- Exercicio terapéutico
- Readaptación de lesións
- Fisioterapia xeriátrica
- Fisioterapia domiciliaria
Adestramento
- Adestramento persoal
- Acondicionamento físico
- Preparación de probas físicas
- Rendemento deportivo
Pilates
- Pilates solo individual
- Pilates solo grupos reducidos
- Pilates solo en embarazo (preparto e postparto)
Metodoloxía de traballo
En Javier Raposo buscamos levar a actividade fisioterapéutica e deportiva máis aló. Non só se trata de axudar aos pacientes para recuperarse das súas doenzas e acompañalos no seu proceso de rehabilitación, senón de que eles mesmos saian da consulta sabendo que lles pasa, onde está a orixe do problema e que medidas se deben adoptar para revertelo e para previlo no futuro. A base está na valoración, xa que é imposible tratar unha patoloxía de forma correcta sen antes coñecer as súas causas. A partir de aí, levamos un tratamento apoiado en tres piares fundamentais: a terapia manual, a educación terapéutica en dor e exercicio terapéutico.
Nós
JAVIER RAPOSO GÓMEZ
Fisioterapeuta (n.º col. 3700) Ola a todxs! Son Javier, fisioterapeuta e responsable do centro. Sempre estiven moi vinculado ao mundo do deporte, tanto a nivel persoal como profesional. Por iso, o ámbito da fisioterapia deportiva e o exercicio terapéutico son dúas das miñas paixóns. Estou formado na valoración e tratamento de tendinopatías e neuropatías e, actualmente, ilusionado co mundo da ecografía e a fisioterapia invasora. Considérome unha persoa activa e alegre, e intento reflectir esa positividade no trato diario con cada paciente. Gústanme o fútbol, o billar e viaxar. Espero poder coñecervos, axudarvos a mellorar a vosa calidade de vida e transmitirvos todo o que vos acabo de contar!
IVÁN LÓPEZ BARRIO
Ola a todxs! Son Iván López Barrio, graduado en Ciencias da Actividade Física e do Deporte (CCAFyD) e encargado da sección de adestramento do centro. O deporte foi sempre un piar fundamental na miña vida, o que me levou a formarme profesionalmente neste ámbito e ampliar aínda máis os meus coñecementos a través dun máster en Adestramento e Rendemento Deportivo. O meu obxectivo é axudarvos a alcanzar as vosas metas deportivas e mellorar a vosa calidade de vida, así como guiarvos no proceso de readaptación e recuperación de lesións. A nivel persoal, no meu tempo libre gústame xogar ao fútbol e facer rutas de sendeirismo. Estou aquí para compartir experiencias, aprender e contribuír en todo o posible. Espero poder coñecerte mellor e serche de axuda no que precises!
ANTÍA CABANAS BARJA
Fisioterapeuta (n.º col. 4313). Ola! Son Antía Cabanas Barja, fisioterapeuta e responsable da sección de Pilates do centro e proximamente da área de saúde en chan pélvico. Decidín estudar fisioterapia para poder seguir en contacto co deporte, xa que me gusta practicar varias disciplinas desde nena. Durante os meus estudos descubrín que tamén me parece moi interesante a fisioterapia de chan pélvico, ámbito no que me estou formando actualmente. A miña forma de traballo baséase na terapia manual e no exercicio terapéutico e sempre busco transmitirvos motivación para que poidades realizar unha abordaxe activa das vosas patoloxías. Considérome unha persoa amigable, resolutiva e tranquila. En canto ás miñas afeccións, gústame o fútbol sala, ver series e películas e viaxar. Espero poder coñecervos en maior profundidade e axudarvos a mellorar a vosa calidade de vida!
Javier Raposo. || Registro Sanitario: C-27-001408
